Baran Ji Acizî Dibariya

Baran Ji Acizî Dibariya-Ehmed Ronîar

Baran Ji Acizî Dibariya, ji êş, acizî û xemgîniya endamekî nifşên nuh ên edebiyata Kurmancî, Ehmed Ronîar’î ava bûye. Wî, ji gelek tiştan re gotiye “na” û xwe li hunerê girtiye — li wê hunera ku îroj li nav Kurdan, kes du quriş û nîvên xwe tê de nade. Bi vê pirtûkê, emirê nivîsîna helbesta Kurmancî, ji ber ku helbestkarê wê yê ciwan 19 salî ye, daketiye 19’an. Pirtûk, bi şêwaza **“çem-helbest”**ê ji helbesteke dirêj pêk hatiye. Beşa dawîn, ku di pirtûkê de beşa herî balkêş e, bi rûpelên vala hatiye çêkirin. Li vir, kî çi bixwaze helbest, dikare bibe ew tiştê xwestî, hatiye (ne)nivîsîn; û bi mêjûyeke “00/00/0000”î bangî xwendevanê xwe dike.