Berxwedana Êla Xalta Mîrzikê Zaza

Berxwedana Êla Xalta Mîrzikê Zaza-Eskerê Boyik

 

Lêkolîna me di derheqê berxwedaneke eşîrên Kurdên Êzdî ya mîrgeha Xalta de ye. Di wextê da, mîrgeha Xalta di nav Kurdistanê de mîrgeheke Êzdiyan ya mezin û bi hêz bûye.

Xaltî, federasyonek eşîrên Êzdîyan e; heta niha jî eşîrên Qizilî, Niqîbî, Xendeqî, Berekî, Anqosî û hinekên din xwe wek Xaltî binav dikin.

Dema ez zarok bûm, rûspiyên gundê me di odeya me da diciviyan, çîrok digotin, li ser gelek babetan diaxivîn, digotin qebîla me, ya Bela jî Xaltî ne. Navê çend qebîleyên din jî didan, ku di nav Êzdîyên Ermenistanê da hebûn (navê wan bîra min da nemane). Niha Xaltî, wisa jî li der-dorê Wêranşeherê, li Şengalê û li Şêxan jî hene.
Êzdîyên Xaltî dibêjin ku peyva Xaltî navê eşîrê, yan qebîlê nîne; Xaltî navê war e, cî ye. Eger navê war e, wisa ne navê herêma wan, welatê wan Xalta bûye.

    Ji bo hemû berhemên  Weşanên NA vir bitikînin Ji bo hemû berhemên Eskerê Boyik vir bitikînin