Beybûn

Wexta ew dikenî; Nisêbîn dibû bûk, Ber bi Cizîrê ve diçû. Çiyayê Bagokê Cûdî hembêz dikir. Ji Şengalê zarok bi rê diketin, Li ser sûrê Amedê çavgirtik dilîstin. Bûka Amûdê li Hewlêrê hevîr distira. Ji Qamişlo dengê daholê dihat, Li ribaba mitirbekî pîrût diket. Kela Wanê betaniyek beybûnî, Li Agirî dipêçand. Şikeftên Heskîfê, ji dilnexwazên evînê re dibûn girtîgeh Dîcle, Beko Ewanê vê gerdûnê, Li ser sînga xwe difetisand. Riha pêxemberê xwe hişyar dikir. Li Qoserê kew diwelidîn, Ber bi Kobanê de diçûn. Barana Dîlokê, Efrîn şil dikir. Li Culemergê qîzikek koçer, Penîrê sîrik qewl dikir. Zîna Zêdan dilîrand, Li ser hina Edûlê. Sînor nediman li welatê min. Çankoç û bangê bi hev re civat dikir. Wexta ew dikenî Welatê min dikenî BIKENE! ISBN: 978-605-84782-1-3