Bingehê Dîrokî û Siberoja Şoreşa Jinê

Çerxa dîroka 12 hezar salan, li ser erdnigariya 14 hezar girên li Bakurê Sûriyê hê jî dizivire. Dîroka şoreşa neolîtîk û çanda xwedawendan ku bûye bingehê û îlhama şoreşa jinê ya hemdemî di gelek kevneşopiyên gelên herêmê de hê jî zindî ye. Herçiqasî êrîşên pergala zilamê desthilatdar û mêhtingeran hewl didan ku hevbeşiya jin, jiyan û civakê parçe û wêran bikin jî, çand û nirxên jin û civakê yên xwe dispêrin pîvanên edaletê, exlaqê azadiyê û lêgerîna jiyaneke xweş û rast di berxwedana jinan û gelan de bi hezaran salan hatine parastin. Daxwaz, xeyal û nihêrînên jinan ji bo siberojê rave dikin, beriya her tiştî ew e ku li ser axa xwe bi aramî, bi awayekî wekhev û azad bijîn. Bi vî awayî, têkoşîna ji bo parastin û serketina şoreşa jinê li ser bingehê xwe yê dîrokî dewam dike.