Çavdêrîyên Barbarekî

Çavdêrîyên Barbarekî-Kawa Nemir

Çavdêriyên Barbarekî, ku ji heft kurteçîrokan pêk tê, bi awayekî taybet xuya dike ku ji pênûsa helbestkarekî zeyîniye tê çêkirin. Kawa Nemir, nivîskarê pirtûkên helbestan ên navdar wek Selpakfiroş, Bîşenga Deşta Dûr û Salname, di nava kurteçîrokên xwe de li ser asta honandina zimanî ya kûr û pirrşax xebitîye. Zimanekî ku di bîra xwe de wer dibe, di nav rêyên “yêdinbûnê” de li xwe û li cîhana xwe dinivîse, ji zemanekî berê, bi riya bikaranîna movikên zimên, li rabirdû, niha û dahatûyê temaşe dike. Zimanê ji xaka Serhedê pijiqî digire, û dikişîne ser asta zimanê Kurdî ya hevbeş. Ew xwe dispêre coş û peroşa ku xweza didê. Bi vegotineke stratejîk û şêwezimanekî nû, Kawa Nemir bi zimanê xwe yê xef derfetên hevoksaziya Kurdî diceribîne. Helbestkar Nemir, piştî ku mirov li arkeolojiya peyvên deqên wî bikole, bi wê “xefkirin”a xwe toza serdeman tê daweşandin. Çavdêriyên Barbarekî bi hêza deqên xwe ve di çîroknûsiya Kurdî de riyeke nû vekirîye.   Ji bo hemû berhemên lîs Yayınları vir bitikînin Ji bo hemû berhemên Kawa Nemir vir bitikînin