Cemîyeta Hêvî ya Telabeyê Kurdan û ROJÎ KURD

Cemîyeta Hêvî ya Telabeyê Kurdan û ROJÎ KURD-Seîd Veroj

Cemîyeta Hêvî, yek ji wan cemîyetan e ku di destpêka salên 1900î de ji aliyê xwendekarên Kurd ên li Îstenbolê hatîye damezrandin. Di nav endamên damezranêr de ev lawên kurd hebûn: Xelîl Xeyalî (Modkî), Qedrî Cemîlpaşa (Dîyarbekir), Fuat Temo (Wan), Zekî Efendî (Dîyarbekir) û Memduh Selîm (Wan). Cemîyeta Hêvî ya Xwendekarên Kurd, di 27ê Temûza 1328an (9ê Tebaxa 1912an) de li Îstenbolê hatîye damezrandin û Umer Cemîl Paşa muweqeten ji bo sekreterîya Cemîyetê hatîye wezîfedarkirin. Li gorî agahdarîya Qedrî Cemîl Paşa (Zinar Silopî), ew û hevalên xwe bi şîret û ronahîdarîya Xelîl Xeyalî dest bi xebata damezrandina Komela Hêvî (Komela Xwendekarên Kurd) kirine. Damezrandina Cemîyeta Hêvî û xebatên wê, tesîrekî mezin li ser ciwan û xwendekarên kurd kiriye. Bi rêvebirîya Komeleya Hêvî, di sala 1913an de çar hejmarên kovara Rojî Kurd hatine weşandin. Di nav rûpelên vê kovarê de gelek mijar û pirsgirêkên girîng hatine gengeşîkirin ku hêj jî îro berdewam in. Cemîyeta Hêvî, piştî damezrandinê, di çarçoveya armancên xwe de dest bi weşandina kovara Rojî Kurd dike. Rojî Kurd, ji mehê carekî, bi zimanê kurdî û tirkî tête weşandin; bi tevahî çar hejmar hatine çapkirin û belavkirin. Jimara yekemîn a kovarê di 6ê Hezîrana 1329an (1913) de hatîye çapkirin. Ev pirtûk bi tevahî ji orjînala kovara ROJÎ KURD hatiye çapkirin.   Ji bo hemû berhemên Dara Yayınları vir bitikînin Ji bo hemû berhemên Seîd Veroj vir bitikînin