Cîhana Zimanê Kurdî

Kurd li cîhane dijîn û bi mirovahîye re têkildar in. Di heman demê de bi pêşketinan re têkildar in. Bi pêşketina cihanê re kurd jî pêş dikevin û giringîya xwendinê û têkilîyan baş fêm kirine. Ji bo bikaribe bersiva demê bide, bikaribe bi dora xwe re têkilîyan deyne, bazarê bike, xwe bi zanistê, bi ziman dixemilîne. Bi vê mebestê girtî namine, qaqilkê jiyana teng û herêmî dişikîne. Guhertina di mirov de, di mirovahîye de, di teknike de bandorê li mirove kurd jî dike. Di vê guhertinê de cihê xwe digire. Yek ji fîlozofên sedsala 20an Karl Pribrem jî balê dikîşine ser pêşketinan û bandora li ser guhertina mêji, ziman û hereketên mirov. Ji ber ku jîyana mirov, di cihekî teng de namîne, mêjiye mirov jî bi cihê teng re têkildar namîne. Têkilî û tecrûbe bandore li mêji dike. Mêji çiqasî têkildari jîyanê, bûyer û pêşketinan bibe, hewqasî fereh dibe û nexşeya karanîna mêji rengîn dibe.