Destpêkek ji bo Peyvsazîya Kurmancî

Destpêkek ji bo Peyvsazîya Kurmancî-Ömer Delikaya

Ev xebat a bi sernavê Destpêkek ji bo Peyvsaziya Kurmancî, bi wê armancê rabûye ku di çarçoveyeke zanistî de, mijara peyvsaziyê li gorî rê û rêbazên qebûldar berawird ligel hin nimûneyên peyvsaziya zimanên din, teswîr bike. Peyvsaziya hin zimanên ji heman malbatan heta radeyekê dişibin hevdu, ji ber vê yekê jî me hewl da ku em ji çavkaniyên li ser peyvsaziya îngilîzî istifade bikin û bi nimûne û kategoriyên sereke yên peyvsaziyê babetê zelal bikin. Loma di vê xebatê de rêbazên ku bi gelemperî di binbeşa peyvsaziyê de tên lêkolînkirin ên wekî dariştin, kurtkirin, guhastin, dubarekirin, wergirtin (qerzkirin), paşvesazî, qusandin, sernavî, kesnavî û ww bi nimûneyan ve hatine şirovekirin.