Dewr û Gera Kurdistanê

Dewr û Gera Kurdistanê-Mela Ehmedê Palo

Mela Ehmedê Palo, helbestvanekî bi eslê xwe Kurdê Zaza ye, lê berhemên xwe bi Kurmancî nivîsîne. Helbestên wî ji hêla şeklî ve klasîk in, lê naveroka wan bi temamî modern e. Palo di hunera helbestê de serkeftinek berbiçav nîşan dide; wezn, qafiye, rîtm û hunerên edebî bi zimanekî şayik, herikbar û estetîk bi rêk û pêk têne bikaranîn.

Ji aliyê wateyî ve jî helbestên wî kûr û manedar in. Di vê berhemê de li her çar hêlên Kurdistanê bi xeyalekî berfireh dewr û gereke dike; bi bergeheke dîrokî li ser bajar, çem, çiya û baniyên Kurdistanê helbestên xwe dihûne. Mela Ehmedê Palo li vir wek aşiqê Kurd û Kurdistanê xuya dike; kul û derdên gelê xwe tîne zimên, balê dikişîne ser rewşa Kurdistanê ya mêtingehî û bi awayekî hêsan û hîkmetî rêya xilasî û azadiyê jî nîşanî Kurdan dide.

Ev berhem, hevkêşeya klasîk û modern di edebiyata Kurdî de bi awayekî zelal nîşan dide û cihê Palo di nav helbestvanên nûjen yên Kurdî de bi awayekî bi temamî diyar dike.