Dîwan Seyid Eliyê Findikî

Dîwana Seyid ‘Eliyê Findikî ji gundê Findika, li ser Cizîrê, hatiye weşandin û yek ji xelîfên pêşdehatî yê Şêx Seydayê Cizîrî ye. Wî di çapa xwe ya çaran de di nav rêza klasîkan de weşiya. Seyid ‘Elî însanekî sohbetxweş û xwedî zimanekî gelek şêrîn bû. Uslûba wî ya şiîrê zelal û hêsan e, ku ji hêla herkesî ve tê fêhmkirin. Helbestên wî di nav xelkê de gelek tê zanîn û di medreseyan de jî feqiyan gelek qesîdeyên wî jiber kirine. Mijarên helbestên wî pir bi tobê, dûrketina ji gunehan, terka hezkirina dunyayê, gazina ji dostên ne safî û ne wefadar, tewsiya hiqûqê însanî û li ser terka bid’etan re girêdayî ne. Wî jî tembîha ‘alimên zeman dike ku vegerin ser wezîfa xwe ya eslî û malê xelkê bi hîlê nexwin û bi niviştan wan nexapînin. Şêweyê hûnandina helbesta wî wek helbestvanên Kurd yê klasîk e; wî bi wezna eruzê helbestên xwe hunandiye, lê ferqeke wî jî heye ku bi zimanekî hêsan û rewan helbestên xwe hûnandiye, ta ku meriv ji rêzê jî jê fam dike. Mijarên exlaqî û civakî ku wî di helbestên xwe de civandiye:

• Pend û şîret
• Wefa û dostanî
• Tobe
• Terka dinê
• Xerîbî
• Tesewîf
• Şîna li ser kesayetên mezin

Ev dîwan, ji bo kesên ku dixwazin edebiyata Kurdî ya klasîk bi zimanê hêsan fêm bikin, çavkaniyek pîroz û bêguman girîng e.   Ji bo hemû berhemên Nûbihar Yayınları vir bitikînin Ji bo hemû berhemên Seyin Eliyê Findikî vir bitikînin