Du Dilop

"Wan di orteya temaşavanan de, mîna du tirmaran xwe li hevdu bada. Pêsîrên wan li hevdu asê bûn; herçar memik bûn mîna şimamokên ku li ber tava havinê şewibi bin; bi ser hev de melisîn. Destên wan li ser pişta hevdu bûn nola mencenîqan û bedenen wan bi ser hev de temisîn. Hestiyên rahnên wan li hevdu asê bûbûn û bêyî ku tiştekî bifikirin bi ser hevdu de azirîn. Rûyên wan bi hevdu ve zeliqîn. Hêsirên wan ji hinarîkên rûyên wan re bû mezeloqa benîştê dara kenêrê û niqurçikên tevziya kezeb û gurçikan xwe li hevdu dibezikandin.... Hemû berbûyên wê şahiyê bala xwe da wan. Kesi fahm nekiribû bê ew ji bona çi bi ser hevdu de digiriyan.