Fêrker 2

Fêrker 2-Hakki Balta

Ji ber hêsabûna xwendinê me navê pirtûkê ya li Swêd (Dixebitim, Dilizim, Fêr Dibim) guhart. Di çapa li turkiyê me navê kurt FÊRKER - 1 lê kir. Armanc, xebat û metoda FÊRKER - 1-(Dilizim Fêr Dibim -1) û ya Dilîzim Fêr Dibim -2 wek hev in. Ji ber vê yekî em pêwîstî nabînin ku li ser pêşgotina berhema FÊRKER-1 gotinan zêde bikin. Ev berhem berdewama wê xebatê ye. Di nava wê xebata dûr û dirêj de herdu berhem bi hev re hatine plankirin û nivisîn. Herdu pirtûk jî li Swêd hatine weşandin û di pêşdibistanan de di dersên zimanê kurdî de têne xebitandin. Me xwast zarokên kurd û malbatên kurd yên nava welat jî ji van pirtûkan sûd bigirin. Di mal û pêşdibistanan de berhem bi kurdîya zarokan re bibine alîkar û bi pêş bixin. Bi hêviya pêşxis- tina zimanê kurdî Û me di wê pêşgotinê ya li Swêd de weha gotibûn: Belê ev berhem encama zanîna pedagojiyeke pêşketî ye û kar û kedeke kolektiv e. Bila vê carê spasiya min jî kolektiv be! Ji hemû mamosteyan re spasdar im. Bi hêviya listikeke serkeftî, rengîneke xweş û fêrbûneke hêsa û rast!