Folklor û Civat

Folklor û Civat-Aram Gernas

(Folklor, wêje, ziman, çand, xeyset, muzîk, urf û adet, dîrok) Folklor, ji bo domandina çandê sîstemeke bingehîn û girîng e. Her weha folklor, sîstemeke neqilkirinê ye; ango hêjayiyên çanda civakê ji nifşekî derbasî nifşekî din dike. Folklor, çavkaniya reh û kokên netewe ye. Netewe jî bi xwe avahiya têkûz a çand û folklorê ye. Ji ber vê yekê, folklor avakarê çandek hevpar û homojen e. Wek şaxeke zanistiyê, folklor di demê de werçerxiyaye û îro bûye şaxeke xweser û mezin. Ne tenê folklorzan, lê her weha zimanzan, wêjezan, olzan, ruhzan û mirovzan jî bala xwe dane ser vê qada zanistiyê û li ser wê lêkolîn kirine. Wêjezanan, hêjayiyên çandî, zimanî û hunerî vekolane û di navbera wêjeya nivîskî û wêjeya zargotinî de pirek girîng saz kirine. Zimanzan jî di warên wekî etîmolojî, xezîneya peyvan, zarav û devokan, têkiliya navbera zimanê kevn û nû, guherînên zimanî û avabûna rêzimanî de bala xwe didin ser folklorê. Olzan, jiyana civakê, bîr û baweriyên kevn û nû, çanda olî ku di civatê de çêbûye û bandora wê vedikolin. Ruhzan jî karekter, tevger, şexsiyet, hest û ruhiyet û her weha felsefeya jiyanê ya ku di civatê de çêbûye analîz dikin, da ku karibin civata xwe û endamên wê baştir nas bikin.   Ji bo hemû berhemên Nûbihar Yayınları vir bitikînin Ji bo hemû berhemên Aram Gernas vir bitikînin