Folklorê Kirmancan Ser o

"Nê serranê peyênan de, tayê metnê folklorîkî bi kirmanckîya mintiqayanê cîya-cîyayan amey arêkerdene. Sey yê mintiqaya Licê, Pîran, Gêl, Dêrsim, Çewlîg, Sêwregi, Gimgim, Tatos û Xinisî. La nê zaf tay ê, ganî metnê winasî hîna ziyade bibîn. Arêkerdişê malzemeyê folklorîkî karêko muhîm o la na gama verên a. Dima, ganî nê malzemeyî ser o hetanê cîya-cîyayan ra xebatî, muqayeseyî û şiroveyî bibîn. Ganî nê warî de cigêrayîş û etudê akademîkî bibîn. Nadîre nê di waran de zî kar kerdo. Hem metnê folklorîk yê kirmancanê mintiqaya Dêrsimî arê kerdî hem zî tezê xo yê masterî na babete de nuşto. Tezê masterî yê verên yê kirmanckî! Nika no tezê aye sey kitabî destê şima de yo." Malmîsanij