Gilgamêş û Enkîdo

Ji dema ku Destana Gilgamiş hat dîtin di sala 1849 û ta niha ramyar û lêkolînerên cihanî lê vedigerin û berdewam heyberên (subject) nû tê de dibînin. Ji berku ev destana gavek ji gavên yekem e di warê despêka zanistiya ademîzadiyê de, Lêkolînerên ewropî dibêjin ku vê destanê bandoreke mezin li kultura cihana kevnar kir. Dîroknasên klasik tekez dikin ku Homeros (Homer) herdû destanên xwe yên navdar; Ilyade (Iliad) û Odesa (Odyssey) di bin bandora destana Gilgamiş de nivîsî. Gava mirov vê destanê dixwîne, ew rû bi rû li hember hestên xwe yên despêkê disekine. Lewra min di vê pirtûka xwe de got: Di her mirovekî de Gilgamişek heye û Enkidoyek heye. Bêguman hewildana van herdu lehengan ew ta niha hewildana hemû mirovan e. Nemaze di zarokiyê de, gava mirov dest bi zanistiyê dike û di kalbûnê de gava mirov li ber deriyê mirinê radiweste.