Gotinên Pêşiyên Kurdan Bi Zimanê Gundan

Gotinên Pêşiyên Kurdan Bi Zimanê Gundan-Mihyedînê Mihemedê Remo

Her kalek an pîreke me ku çavê xwe ji vê “dinya gewrik” digire û ji nav me bar dike, hinek ji vê mîrata çandî û zimanî bi xwe re dibe. Ji vî aliyî ve, kedkarê vê pirtûkê, mamosta Mihyedînê Mihemedê Remo, nimûneyeke pir hêja nîşanî me daye. Ev xebata wî, ji wan gotin û bêjeyên ku li ber winda bûne wan dagirtine û ji bo ziman û çanda Kurdî, bi taybetî jî ji bo zaravayê Kurmancî û devoka Torê, wê bibe çavkaniyeke bingehîn. Mihyedînê Mihemedê Remo, li ser vegotin û devoka Torê pir bi hûrgilî rawestiyaye û heta ku ji destê wî hatiye, zimanekî herikbar û xwezayî bi kar aniye. Di nav çîrok û çîvanokên pirtûkê de, bi rêya diyalogên xwezayî, devoka herêmê bi awayekî xweş û rastîn hatiye parastin. Bi saya vê yekê jî, li gorî me, ev xebat ji bo zimanzan, folklorzan û lêkolînerên folklora Kurdî, bi taybetî yên ku li ser Torê û derdora wê dixebitin, dê bibe çavkaniyeke hêja û pêwist. Mihyedînê Mihemedê Remo, bi xwe di nav gelê herêma Torê de rabûye û çanda herêmê baş dizane. Ji ber vê yekê jî, taybetiya xebatê ya ku “çîrok û çîvanokên herêmê, gotinên pêşiyan ên herêmê piştrast dikin” bi awayekî zelal û eşkere diyar dibe.   Ji bo hemû berhemên Nûbihar Yayınları vir bitikînin Ji bo hemû berhemên Mihyedînê Mihemedê Remo vir bitikînin