Hedersmord Li Swêdê: Kuştina Namûsî Li Kurdistanê

Hedersmord Li Swêdê: Kuştina Namûsî Li Kurdistanê-Salih Agir Qoserî

Di sala 2002’an de, li Swêdê, keçek bi eslê xwe Kurd, ji alîyê bavê xwe ve hat kuştin. Ew keç, ku Elewî bû, bi Kurdî nizanîbû, li gorî çanda Tirk û Swêdîyan mezin bûbû. Lê li Swêdê, Swêdîyan ew û malbata wê wek Kurd û misulmanên dînparêz nîşan dan. Ev kuştin jî tê nirxandin wek "kuştina namûsî". Li Tirkîyê jî, gelek serdestan bi heman awayî bahsa çanda Kurdan dikin. Balkêş e ku hin Kurd jî, bi zimanê serdestan diaxivin, bi têgehên wan xwe xwe nas dikin û xwe jî tê naskirin. Lê gelo bi rastî, di çanda Kurdan de, kuştinek wek ev, yani bi navê namûs, heye? Li gorî gelek çavkanîyên biyanî, yên ku sed salan berê li ser Kurdan nivîsandine, tê gotin ku di çanda Kurdan de kuştinên bi vî awayî ne hebûn. Hatta tê digot ku di nav jinên gelên herêmê de, jina herî azad, jina Kurd e. Gelek çavkaniyên biyanî jî bi heyranî bahsa destnedayîna azadîya jinên kurd dikin. Ev xebat, ku di Zanîngeha Artukluyê, di Beşa Kurdolojîyê de wek teza lîsansê bilind hatiye amadekirin, bû yekemîn xebat ku bi awayekî zanistî kuştina “namûsî” li ber çavê çanda Kurdî diaxive û mijarê xwedî pirs dike.