Hêsîrên Xwînê

Hêsîrên Xwînê-Ahmedê Hepo

Berhemên Ahmedê Hepo ne tenê ji aliyê zimanî ve belgeyên wêjeyî ne; her weha serpêhatiyên wî jî bi qasî zimanê wî orjînal in. Her kurdekî ku bi mebesteke kurdewariyê çûye Azerbaycanê, bi gelemperî riya wî bi mala Apê Ahmed ketîye û bi alîkariya wî gihîştiye mirazê xwe. Ji ber vê yekê Ahmedê Hepo ne tenê damezrînerê wêjeya kurdî ya kurdên Azerbaycanê ye, lê her weha bi xebatên xwe alîkariya pêşveçûna wêjeya kurdên Ermenistanê jî kiriye. Ev “Berhevoka Serhatiyan” a Ahmedê Hepo li ser du beşan hatiye levakirin. Beşa yekem, ku para mezin a pirtûkê pêk tîne, ji kurteçîrokên wî yên bi xwe pêk tê. Nivîsandina van kurteçîrokan di sala 1965an de dest pê kiriye. Hinek ji wan bi sernavên “Adar” û “Emir Gul Vedide” wekî pirtûk hatine weşandin, hinek jî di nava berhemên wî yên din de hatine raçandin. “Adar” û “Emir Gul Vedide” ji tîpên krîlî bo latînî hatine guhastin; her weha kurteçîrokên belawela weşandî jî di vê beşê de hatine komkirin. Beşa duyem jî kurteçîrokên ku Ahmedê Hepo ji azerbeycanî wergerandine di xwe de dihewîne. Bi vî awayî ev berhem tenê berhevokeke edebî nîne, lê her weha belgeyekî girîng e ji bo wêjeya kurdî, jîyana çandî û bîranîna kolektîf a kurdan li Qafqasê.   Ji bo hemû berhemên Peywend Yayınları vir bitikînin Ji bo hemû berhemên Ahmedê Hepo vir bitikînin