Îran Xanim: Hawarek Ji Ûrmiyeyê

Îran Xanim: Hawarek Ji Ûrmiyeyê-Sayîme Xakpûr

Îran Xan yan jî Îran Xanim, di sala 1951an de li gundê Îçkeso, navçeya Somabira Dostê, ku li ser bajarê Ûrmiyê ye, ji dayîk bû. Ev jina Kurd a hunermend, di dîroka dengbêjiyê de cihekî taybet girtiye. Wê bi berxwedan û serhildêrîya xwe, di demeke ku jin nikaribûn li hember mêrên temen mezin dengê xwe derxin, dengê dilê xwe kir stran û qêrîna ku ji kûrahiya dilê wê derdiket bi dengê xwe gihand gel. Stranên wê li her derê Kurdistanê belav bûn û wê bi dengê xwe tabûyên civakî şikand. Îran Xan, yekem jina dengbêj e ku dengê wê li radyoya Ûrmiyê hatiye qeydkirin û arşîvkirin. Ev yek, di dîroka dengbêjiyê ya Kurdî de qonaxeke girîng tê hesibandin. Di vê xebata Sayîme Xakpûr de, bi rêya neqilkirina jiyana hunermendeke Kurd, hem derd û xem, hem xweşî û hêsir, hem ken û girî, her weha gazinc, gilî, hewar û qêrîn hatine ragihandin. Ev pirtûk tenê jiyanekê kesayî nade nasandin, lê rewşa civakî û hestên jinên Kurd jî di pêş çavan de dide. Carinan hest û hizirên nivîskar jî tevlî ax û nalînên neqilkara pirtûkê Gulistana keça Îran Xanê dibin û meriv dihêle ku bipirse: Îran Xan kî bû? Gelo ew tenê keça xwe bû? An dibe ku Sayîme, nivîskar bi xwe be? An jî dayîk û xwişkên me? An belkî ew temamî civata jinên Kurd e? Belkî jî hemû civata me.   Ji bo hemû berhemên Nûbihar Yayınları vir bitikînin Ji bo hemû berhemên Sayîme Xakpûr vir bitikînin