Ji Kelepora Kurdan Çîrok

Ev pirtûk, ji çîrokên devê yekem hatine bihîstin û bi şîroveya Rêzanî hatine hûnandin. Çîrok ji herêma Şemrexê a navçeya Mêrdînê ne. Lê belê zêdetir bi şêwaz û ruxsara helbestkî hatine nivîsandin. Peyv û bêjeyên zargotinî, ji kaniya zargotin û wêjeya Kurdî ne.

Di zimanê biyanî de dibe ku şiklê van çîrokan yên din jî hebin. Lê min min ev çîrok, ji mezinên xwe yên nexwendan jî bihîstine. Baş dizanim ku di zaroktiya min de hinek kes dihatin cem dapîra min û van çîrokan jê guhdarî dikirin. Paşê ev çîrokên jiberkirî wergerî Tirkî dikirin. Merema min ev e ku ev çîrok ji zimanê Kurdî belav bûne. Û zimanê Kurdî ne kêmî zimanên din e.

Li ser nivîsandina helbestkî jî heger hêjayî gotinê be û meriv bixwaze çend gotinan birêke, daxwaz ev bû. Gotinên bandortirîn li ser mirovan ji demên kevn û qedîm û heta îro, herf û tîpên efsûnî yên helbestan in. Ji zarokan bigir heta kalemêran hemû însan li ber bêjeyên helbestkî lal bûne lê ker. Dayik bi çarînên helbestkî zarok razandine. Helbest û stran bi ekla serwayan li dû û dûxana civatên şevê yên zivistanê geriyane. Û li ser zimên kon vegirtine di rêka hiş û dilên meriv de..