Jiyana Pêxemberê Me Hz. Muhemmed

Jiyana Pêxemberê Me Hz. Muhemmed-Murad Celalî

Têkoşîna Pêxember di Kurdî de, di warê xebatên dînî û tarîxa Îslamê de qadeke taybet vedike. Murad Celalî, ku berê jî li ser têkoşîna pêxemberên berî Mûhemmed (s) xebatek amade kiribû, bi vê berhemê xebatên xwe yên ilmî û dînî berdewam dike. Nivîskar, bi gelek berhemên din jî di warê mijarên dînî û dîroka Îslamê de tê naskirin. Di dîroka Îslamê de li ser Pêxemberê Îslamê Mûhemmed (s) bi gelek zimanên cuda cuda bi hezaran kitêb hatine nivîsandin. Ev berhem û vekolîn, ku di encama wan de derketine holê, jimareke pir zêde pêk tînin. Sedema vê yekê ew e ku di hînbûna dînê Îslamê û di serwextbûna jiyana mirovî de, jiyana Pêxember yek ji rêyên herî ewle û pêbawer tê hesibandin. Di çanda Îslamê de xebatên ku li ser tefsîr û hedîs hatine kirin qadeke berfireh digirin. Wekî berdewamî û temamkera wan xebatan jî, xebatên li ser jiyan û têkoşîna Pêxember hatiye nivîsandin. Ev berhem jî di çarçoveya vê kevneşopiyê de, piştî pêdeçûn û vekolîneke dûrûdirêj, hate amadekirin. Ya herî girîng, di Kurdî de cara yekem e ku xebateke vekolînî û ilmî bi awayekî berfireh li ser têkoşîna Pêxemberê Îslamê tête nivîsandin. Ev berhema ku ji aliyê Murad Celalî ve li ser jiyan û têkoşîna Resûlê Xwedê hatiye amadekirin, piştî vekolarî û lêkolîna dûrûdirêj, niha gihaştiye destê xwendevanan.   Ji bo hemû berhemên Nûbihar Yayınları vir bitikînin Ji bo hemû berhemên Murad Celalî vir bitikînin