Kendal

Ev ne xew in, rastî bû. Serê xwe ji ber Exwe bilind kir û li hawirdora xwe nêrî. Erdnîgariya ku bi salan bû di hes- reta dîtinê de ev bû. Wekî xalîçeyeke Kirmanşanî rengareng li ber çavên wî bû; heta ku her du çavên wî yên finda di wan de lewaz ketibû didît û digirte nava xwe dirêj dibû û diçû. Dilê wî di sînga wî de bûbû perperikek. Hilmeke kûr bi bextewarî girt û da. Çavên xwe berda nav vê kêfxweşiyê, hêdî hêdî û giran giran, bi awirên tî û birçî yên hilma hesret û bêrîkirina salan ji wan hil dibûn pal bi pal, gir bi gir, newal bi newal wekî ku himbêz bike, bigire nava xwe miz bide di nav de gerand.