Kurmanciya Devera Sîpan - Fonetîk û Fonolojî

Kurmanciya Devera Sîpan - Fonetîk û Fonolojî-Zafer Açar

Fonetîk (Dengsazî) û Fonolojî (Dengnasî), Zimannasiyê de du beşên bingehîn û girîng in ku fêmkirina dengên axaftinê û dengên serekî yên zimanekî armancê wan e. Ev du beş, ji bo analîza strukturên dengî, xuyakirina pergalên dengî û terîfkirina zimanekî roleke serekî dilîzin. Li gorî vê yekê, di şaxa diyalektolojiyê ya zimannasiyê de, xebatên ser devokan wekî xebatên pêşîn têne hesibandin. Ev xebat, ji bo naskirin û fêmkirina çawaniya zimanekî, nimûneyên hêja û bingehîn pêşkêş dikin. Xebatên li ser devokan, deng û peyvên ciyawaz, hevok, û qalibên cuda yên zimanî derdixin holê. Bi rêya van xebatan, gelek xusûsiyetên zimanî tên keşifkirin û hinek hêmanên zimanî ku li ber mirinê ne ji winda-bûnê tên xilaskirin. Her weha, xebatên ser devokan ji bo berhevkirina hêmanên folklorê, fêmkirina rewşên zimanî û şopandina rûdanên dengî gelek girîng in. Dema ku ev xebat bi rêk û pêk tên komkirin, di derbarê wî zimanî de agahiyên nû derdixin holê û îmkana terîfên giştî û zanistî li ser zimanê pêk tînin.     Ji bo hemû berhemên Peywend Yayınları vir bitikînin Ji bo hemû berhemên Zafer Açar vir bitikînin