Lalezar Bi Şîret û Hîkmet û Hîkayeyan Şerha Gotinên Pêşîyan

Lalezar Bi Şîret û Hîkmet û Hîkayeyan Şerha Gotinên Pêşîyan-Mela Husnî Hezîn

Mela Husnî Hezîn, di vê kitêba xwe ya Lalezarê de gotinên pêşiyan bi awayekî hûrgulî û berfireh şerh kiriye. Ev xebata wî tenê berhevkarîyeke folklorîk nîne; belkî xwendekaran dibe geşta seyrangeha edebî. Bi ûslûba xwe ya taybet, bi hîkaye, hîkmet û helbestan, ew sed û hejdeh gotinên pêşiyan bi awayekî vekolînî şerh kiriye. Di vê şerhkirinê de, wî ne tenê pend û şîret; her weha aliyê hîkmetî û îrfanî ya gotinên pêşiyan jî derxistiye pêş. Gava vê yekê kiriye, ew ji tecrûbeyên civaka Kurd sûd wergirtiye, û gotinên pêşiyan wek qanûnên giştî yên jiyana Kurdan nirxandine. Bi vê kitêbê, hûnê bikevin alema nepen û efsûnî ya gotinên pêşiyan. Her gotinek, di xwe de şopa bi sedan salan dihêle. Gava hûn Lalezarê bixwînin, hûnê bibînin ku ji qelema Mela Husnî deng û awazên hîkmetî tê guhê we û dilopên îrfanî bi nermî dikevin dilê we.   Ji bo hemû berhemên Nûbihar Yayınları vir bitikînin Ji bo hemû berhemên Mela Husnî Hezîn vir bitikînin