Li Ewrûpayê Perwerde û Rewşa Zimanên Hindikayiyan

Li ser her aliyê vê têkoşînê, bi taybetî li ser ciyê van zimanan a di perwerdeya li Irlanda, Britanya, Spanya û Fransayê de li Ewrûpayê pir tişt hatine weşandin û nîqaş hatine meşandin. Mixabin, di vê mijarê de, bi giştî di warê berdestbariya agahiyên li ser her aliyê têkoşîn û parastina ziman de di civaka me de valahiyek mezin heye. Bi vê xebatê hate xwestin ku qet nebe ji aliyê perwerdeyê ve agahiyên kêrhatî ji kes û derdorên eleqeder re bên pêşkêşkirin da ku nîqaşên di vî warî de li ser bingeheke xurt bên meşandin. Herwiha ez hêvî dikim ku vê xebata mitewazî ji bo kesên eleqeder ên di mijara parastina ziman de bibe destpêk ku ji bo werger û çapkirina gelek dokümanên li ser mijarê, zextê li wergêr û weşanxaneyan bikin.