Metelok Û Gotinên Pêşîyan

Hina dixwest û digot ku keçên Kurda bi zimanekî din bixwînin, perwerdeyî bibinin wê zimanê zikmakî ji ber xwe ve bimre. Ev keç wê tenê bi zimanê fermî biaxifin û wê zimanê fermî fêrî zarokên xwe, zarokên ayende bikin. Keçên li gunda dijîn û tenê bi Kurmancî xeber didin wê têkevne nav qompleksa girêcanê, qompleksa xwe kêm dîtinê. Wê ji hal û eslê xwe fedî bikin, wê bibin şermende û stuxwar. Lê wusa tê xwuya ku hisabê jorî ne ew buye. Qîzên li dibistan û zanîngeha dixwînin; dibin qutabî, zêdetir li zimanê bavê xwe xwedî derdikevin. Çewa ku gedeyên qîz, zêdetirê kurên bê wefa, li bavên ketîyê nav dest û pîya xwedî dertên.