Mihemed Şêxo Huner û Jînenîgarî

Mihemed Şêxo mezin bû û mezin jiya, piştî wefat kir, mezintir bû. Mihemed Şêxo 41 salan jiya, di dema wî de Internet, facebook, Twitter, Instagram û Youtube tune bûn, ...htd, wate, alavên alîkariya hunermend bikin ji bo mezin û navdar bibe tune bûn, kasêt û tîpên berê hebûn, ew jî li ba herkesî peyda nedibûn. Li gel wiha Mihemed Şêxo mezin bû, navdar bû, li her çar perçeyên Kurdistanê hat nas kirin, hez kirin û guhdarî kirin. Raz çi bû? Bersiv di pirtûkê de ye.   Amade û Belgekirin Qado Şêrîn Çapa duyemîn 2022 Ji weşanên Dar Zeman e. Ji 364 rûpelan pêktê. Pirtûk şeş beş in. 01-Pêşgotin, mîna lêkolînek dirêj e. Her wisa tê de hatiye nivîsandin bê çima M.Ş. û ne hunermendekî din. Rola M.Ş. di geşkirina hestê neteweyî de, û çima gelê kurd hewqasî jê hez dike û lê guhdarî dike. 02-Gotar û lêkolîn in bijartî, gelek hevpeyvîn û gotar û lêkolînên li ser Mihemed Şêxo û jiyana wî hatine kirin û nivîsandin. 03-Stranên Mihemed Şêxo. Ji 112 gotinên stranên wî pêktê, mafê helbestvan û awazdaneran hatiye parastin. 04-Note, Yazde stran ji aliyê Dr. Brahîmê Mihemed Şêxo ve hatine danîn. 05-Portrêt, 34 tablo yan portrêt in, ji yên ku ji Mihemed Şêxo re hatine çêkirin. 06-Wêne û Belge. Bi belge hatiye piştrastkirin bê helbest a kêye û awaz a kêye.