Mistek ji hêvî û arîşeyên zimanê Kurdî (Kurmancî)

Mistek Ji Hêvî û Arîşeyên Zimanê Kurdî (Kurmancî)-Deham Evdilfetah

Zimanê Kurdî yek ji zimanên malbata Îranî ye. Ev malbat ji zimanên Kurdî, Farisî, Bilocî, Baştoyî, Osetî û hin zimanên din pêk tê. Girêdana vê malbata zimanan bi koma zimanên Hindo-Ewropî û yên Hindo-Îranî re jî heye. Bi egera vê girêdanê jî, gelek bêje û derbirrînên cûrecûr di nav wan zimanan de hevbeş in. Ferhengên wan zimanan jî vê girêdan û pêwendîya zimanî berçav dikin, mirovantiya wan gelên ku bi wan zimanan diaxivin tekez dikin. Anku ev ziman tev, weku zimanên serbixwe, li koka xwe ya “Arî” vedigerin û li wê kokê digihêjin hev. Hin dîroknas û lêkolerên zimanên kevnar dibêjin ku ev dabeşbûn û şaxvedan a van zimanan, bi vê piranî û belavbûnê, ji encama wan koçberiyên êl û hozên gelên Arî ne. Di serdemên kevnar de, gelên Arî ji cihwarê xwe (nêzî Deryaya Xezerê) bi çend pêlan koçber bûn, û ev koçberiyên mezin sedemê belavbûna zimanên Arî bûn.   Ji bo hemû berhemên Deham Evdilfetah vir bitikînin