Pandomîm

Pandomîm-Berken Bereh

Helbest, ekonomiya peyvan e; bi peyvên herî hindik vegotina derbirînê ye. Ji lew re Berken Bereh'î, di Kurmancî de, bi formeke nûh a Rojhilata Dûr (Japonya, Çîn) — "hayko" — ku ji sê rêzik û hivdeh kîteyan pêk tê û témaya wê xweza-filosofî ye, helbest ava kirine. Lîrîzm, ku taybetmendiyeke sereke ya haykoyan e, jî ji bîr nekiriye.

Helbestkêr di pirtûkê de ev ekonomiya peyvan hinekî din bi pêş ve biriye û bi navê "pandomîm" — ku hunereke tê de tu peyv tune ne — xwestiye bi giştî peyvê ji holê rake; ji ber ku gava dozaja hestan gellekî bilind dibin, peyv dibin reben û dihelin.

Ji bilî vê, helbestkêr pênûs û kaxezên xwe danîne ber xwe û berî "Derba 12'ê Rezberê" ya hovanê, rojên xwe û yên me bi awayekî lixwemikurhatî ji hev veçirandine.

Berken Bereh'î, carina bi dest û lingan, bi çav û seriyan pandomîm kiriye; carina bi çend gotinên kurt haykoyan xweza, mirov û evîn vegotiye; û carina jî bi şêwaza helbesta sade bi xemgînî li xwe mikur hatiye. Ango, her ku di jiyanê de, likumiye helbestek ji ber lingê wî pekiyaye.