Payîz û Ba

Payîz û Ba-Şikoyê Hesen

Berhevoka şi‘rên Şikoyê Hesen, ji aliyê Tosinê Reşîd ve hatiye amadekirin. Şi‘rên ku di vê berhevokê de cih girtine, ji her sê dîwanên bingehîn ên Şikoyê Hesen hatine hilbijartin:
“Qalçîçek” (1961),
“Tembûrê Kurdê” (1965) û
“Meremê Dilê Kurd” (1970). Di pêşgotina kitêbê de, Tosinê Reşîd li ser kesayet û helbestîya Şikoyê Hesen ev gotin nivîsiye: Şikoyê Hesen, dengbêjê têkoşîna gelê Kurd bû. Ew bi bawerî û hêviyeke mezin li bizava rizgarîxwaz a gelê Kurd dinêrî û helbestên wî bi vê hêviyê ve hatine xemilandin. Şikoyê Hesen, wek şayîrekî bi dilê vekirî, bi sitqê rast, û bi wîjdana paqij hatiye dinyayê. Lê dinya ku li dor wî bû, bi qelpî û derewanî tijî bû. Di wê dinyayê de her tişt dihat kirîn û firotan, heta dayîna Xwedê jî. Şiko, ne merivê vê cihanê û vê dewranê bû. Ew nikaribû qelpî bike, her çend dizanibû ku qelpî li dinyayê serdest e. Wî hîn jî xwest ku li gor şertên dewranê qelpî bike û di ser jiyana xweş, Partiya Komûnîst û sosyalîzmê de hinek şi‘r nivîsand. Lê di hundirê wî de qelpî tune bû; ji ber vê yekê jî rastiya wî nedihat bawerkirin û ne bi temamî dihat pejirandin.   Ji bo hemû berhemên Avesta Yayınları vir bitikînin Ji bo hemû berhemên Şikayê Hesen vir bitikînin