Pisîk Jî Xewnan Dibînin

Pisîk Jî Xewnan Dibînin-Şahînê Bekirê Soreklî

Şahînê Bekirê Soreklî, ku bi eslê xwe ji Kobanî ye, çavdêriyên xwe yên li diyasporayê, serpêhatî û çîrokên ku bihîstine, di pirtûka Pisîk jî Xewnan Dibînin de li hev kom kirine. Ev berhem, bi naveroka xwe ya rengîn û zimanê resen, di nav çîrokên Kurdî yên piştî 2000’an de, xwedî şûneke ciyawaz e. Di Pisîk jî Xewnan Dibîninê de, Kurmanciyeke zelal, xasma jî devoka Berferêt, li benda xwînerên Kurd e. Şahînê Bekirê Soreklî, bi tecrubeya salan, çîrokên xwe bi hostetî hûnandine. Nemaze jî hin beşên berhemê, ku bêjer/vegotiner tev li mijarê bûye, bi tahmeke cuda û şêweyeke ciwan, xwendevanan dide naskirin. Bi taybetî, di demeke ku gelek nûserên Kurd bi nexweşiya Tirkmanciyê ketine de, Pisîk jî Xewnan Dibînin deriyê aramiyeke edebî ye.