Polîtîka

“Di pirtûka yekem de, Arîstotalîs bajar-dewletê bi têkilîyên di navbera jin û mêr, bav û kur û kole û efendîyan de heyî re dide ber hev. Pirtûka duyem, ji serî de Dewleta Platon, rexneya nivîskarên wekî Falêyasê Xalkîdonasî, Hîppodamosê Mîlêtosî ye ku hizira dewleta îdeal radiguhêzînin. Pirtûka sêyem, li ser mijarên wekî ka divê em ji kê re bibêjin hevwelatî, divê hêza sîyasî bi çi awayî were belavkirin û li ser cureyên makeqanûnan û monarşîyan disekine. Di pirtûka çarem de jî, gengeşîya cureyên makeqanûnan tê kirin. Di pirtûka pêncem de, guherînên makeqanûnî, şoreş û lidijrabûn, di gel sedemên xwe, tê ravekirin. Pirtûka şeşem, di bingeha xwe de ji du mijaran pêk tê: makeqanûnên demokratîk û olîgarşîk. Pirtûka heftem, li ser mijarên wekî dewleta çêtir, bajar-dewleta çêtir û hevwelatîyê çêtir disekine. Pirtûka heştem jî, ji her heft pirtûkên pêşî cudatir e û hewl dide bide nîşandan ka divê di dewleteke îdeal de perwerdehîya zarokan bi çi rengî be.”