Romannîvîsê Saf û Dilovan

Orhan Pamuk sala 1952an li Stenbolê çêbûye. Li taxa Nîşantaşiyê, di nava malbateke weha de mezin bûye ku dişibe malbatên ku ew di Cewdet Beg û Kurên Xwe û Pirtûka Reş de behsa wan dike. Weke ku di pirtûka xwe ya otobîyografîk ya bi navê Stenbol de jî dibêje, heta bîst û du salîya xwe jî her wêne çêkirine û bi xeyala ku rojekê bibûya wênesaz ve jîyaye. Xwendina xwe ya lîseyê li lîseya amerîkî ya Koleja Robertê kiriye. Li Zanîngeha Stenbolê ya Teknîkî sê salan mîmarî xwendiye, lê belê bi dû re biryar daye ku ew ê nikaribe bibe ne mîmar û ne jî wênesaz û dev ji mektebê berdaye. Piştî wê, li Zanîngeha Stenbolê xwendina rojnamegerîyê kiriye. Orhan Pamuk di bîst û sê salîya xwe de biryar daye ku bibe romannivîs û dev ji her tiştê din berdaye û dest bi nivîsandinê kiriye.