Ronahî

Ronahî kovareke mehanî bû. Kovar hemû li ser hev 28 hejmar derket. Ji aliyê Celadet Alî Bedir-Xan ve di sala 1942an hetanî sala 1944an hate weşandin. bi zaravayê kurmancîya jorîn û bi tîpên Latînî bû.Ronahî xwerû bi zimanê kurdî Kovara Ronahî di germiya şerê cîhanê yê duyem de hate weşandinê. Naveroka wê bi giranî li ser bûyerên şer e. Nûçeyên şer, çekên nû derketî, rewşa cepha şer, jiyana gelan, lehengiya leşkeran, qehremaniya fermandaran û hwd, hemû di nav rûpelên Ronahî’yê de cîh girtine. Kovara Ronahî li dij Faşîzm û Nazîzmê bû. Kovar bi her awayî pesnê şerê cepha demokrasiyê didan û li dij Faşîzmê radiwestiya. Kovara Ronahî bi nûçeyên şer, gotar, çîrok, şîrove û wêneyên xwe ve kovarek magazîna nûçeyên şer bû. Loma jî pirraniya nûçe û wêneyên wê li ser şer bû. Lê, li gel van nûçeyên şer jî, di nav rûpelên Kovara Ronahî de li ser folklor û edebiyata kurdî jî gelek nivîs hene. Xwedî û berpirsiyarê kovarê Celadet Alî Bedir–Xan, Hesen Hişyar,Osman Sebrî, Cigerxwîn, gelek nivîsên hêja nivîsandin e.