SEMBOLÎZM Di Helbesta Kurdî ya Nûjen de

SEMBOLÎZM Di Helbesta Kurdî ya Nûjen de-Bawer Erişen

Ev xebatê de Sembolîzm di Helbesta Kurdî ya Nûjen de, di çarçoveya bandora bizava sembolîzmê de hatiye vekolandin. Ev lêkolîn hewl dide ku bizava sembolîzmê wekî ekoleke helbestê di çarçoveyeke teorîk de nas bike û bandora wê ya di helbesta kurdî ya nûjen de nîşan bide. Di vê çarçoveyê de, helbestên Berken Bereh, Fatma Savcî, Selîm Temo, Ehmed Huseynî, Gulîzer û Rênas Jiyan hatine vekolandin. Di van helbestan de, têgehên xwezayî ku di çarçoveya sembolan de têne bikaranîn, bi awayekî berfireh hatine nirxandin. Di xebatê de em ji analîza dokumentan û her weha ji xwendina naveroka helbestan îstîfade kirin. Ev rêbaz alîkarî kir ku wateyên sembolî, ferhengî û hunerî yên ku li ser têgehan hatine barkirin, bi awayekî zanyarî were vekolandin. Xebat ji du beşan pêk tê: Beşa yekem, li ser dekadanî, têgeha sembolê, derçûna sembolîzmê, dîroka sembolîzmê, çavkaniyên wê, taybetmendiyên sembolîzmê, pêwendiya sembol û wêjeyê, û her weha jiyana nûnerên sereke yên sembolîzmê û helbestên wan rawestiye. Beşa duyem, li ser jiyana helbestvanên kurd ên ku bûne mijara vê lêkolînê, têgeh û sembolên hevpar, nîşandayîna wan a ferhengî, wateyên sembolî û tehlîl û nirxandina helbestan ava bûye.   Ji bo hemû berhemên   Peywend Yayınları vir bitikînin Ji bo hemû berhemên Bawer Erişen vir bitikînin