Şeva Dawî

Şeva Dawî-Welat Dilken

"Şeva Dawî", yekem roman a helbestkar Welat Dilken e. Dilken di vê berhemê de, bi riya lehengê romanê (vebêjê romanê), panoramayek der heqê herêma Berferêt li ber çavan datîne. Xwendevan bi pêdeçûna xwendina xwe de hîn dibin bê ka:

• Neqeba Dizan,
• Çiyayê Hember,
• û Çiyayê Simê Hespê çawa li mirovên vî warî kiriye.

Her wiha, rengê reş, wekî temaya bextê reş û hêmayeke giştî ya romanê, ji destpêka çîrokê ve derdikeve pêşberî me. Di rêwîtiya ku xwendevan di nava xwezaya romanê de dikin de, evîn bi çend rengên xwe xuya dike û bi xwendevan hevaltiyê dike. Zimanê romanê "Şeva Dawî" bi peyvên şêwezarê herêma nivîskêr mişt e. Ev jî ciyê kêfxweşiyê ye ku xwînerên ji herêmên din bikaribin bibin xwedî agahî der heqê şêwezar û Kurmanciya wê herêmê de.