Sewdaya Belekine

Ap Kalî Hîris û Heşt de Dêrsim ra surgin bîbî. Keye ra tena o mendbî. Hewtay serrî yo welatê xo nêdîyo. Kesê xo nêmendbî. O rî ra tersayêne ke şêro memleketê xo ser. Nika kî serrê xo xeylê şîbî, waştbî ke hîna ke nêmerdo bi çimo weş şêro reyê bivîno. Hewtay serrî yo veyva xo çiman ver ra nêşona. Şodir bi otobuse amebî, lingan o girewtbî berdbî a kemere ser. Êdî giran-giran bîyêne şan. Waştêne ke ancî peyser şêro. Zerrî nêgirewt ke şêro dewa xo bivino. Vat: "Bi çimo weş mi ancî ti dîya, çimê mi gina ra to. Êdî şona cila xo de zerrîrehet mirena."