Siwarên Reş Ji Pişta Behran Hatin

Siwarên Reş Ji Pişta Behran Hatin-Stephen Crane

Ji Îngilîzî: Kawa Nemir Zimanê helbestî ya Stephen Crane di destpêkê de bo xwîneran zimanekî ew qasî xapînok e ku xwîner tê hez kirin ku bibêje: “Ez jî dikarim wiha bibêjim, lê…” Lê gava ku jêra deqên helbesta wî dixwîne, şerê Crane — ya pakîyê bi nepakîyê re, ango Xwedayê ku bi hemû taybetîyên mirovane ve gelek caran derdikeve holê —, hewildana Şeytên a xwesepandinê li ser birêvebirina çerxa cîhanê, gîyanên ku li jêr êş û azarên li ser rûyê cîhanê ne, xuyabûnên wan ên belengazîyê, nalebarîya mafdarî û nemafdarîyê, kêşe û girîftên bawermendîyê, giş û gelek tiştên din ên peywendîdarî kûrayîya jiyana rojane, bi hêdî hêdî li ser wan vedibe. Pirtûka wî ya helbestan a duyem, War Is Kind (Diltenik e Şer), di 1899’an de hat weşandin. Crane, ku di wan çaxan de li ber mirinê bû, bi jana zirav ketibû, deyndar bû, û di havîna sala 1900’î de li Almanya, li bajarê Badenweiler, di 29 salîya xwe de jiyana xwe ji dest da. Wî bi dirêjîya temenê xwe çend romanên bedew, gelek kurteçîrokên bêhevta û helbestên kûr afirand, ku reng e bê gotin bi wan ve bûye pêşeng ê nivîskarên gewre yên wek William Faulkner û Ernest Hemingway. Ewê ku gotiye: Li Beyabanê Li beyabanê,
Min afirîdeyekî tazî û hov dît,
Mexel hatibû li cîyê xwe,
Di destên wî de, dilê wî,
Ketibû ser, dixwar. Min got: “Çawa ye, hevalo?”
“Tehl e, tehl e,” bersivand wî;
“Lê ez jê hez dikim,
Ji ber ku tehl e
Û ji ber ku dilê min e.”   Ji bo hemû berhemên Lîs Yayınları vir bitikînin Ji bo hemû berhemên Stephen Crane vir bitikînin