Soneyên Sewdaser

Soneyên Sewdaser-Kawa Nemir

Jejerûna dest li ser xezînê di Qarûn!
Xwedana mecmû‘eyê wezên û qîratê şi‘êrê!
Ya bi şev û rojan civandim ez wekî nûn!
‘Esrê dilşad dike bi kelamên xêr û bêrê... Bezma şadimane ye ev elem û ev qelem,
‘Elem e ‘alî li banê gerdûnê Kelamê,
Qelem e bi nalî wer dikîşe bi lemelem,
Şehsiwara Xawerê! Zar kiriye ‘alame... Ev ‘alema xwêndinê û bezlego û çengî,
Tevî te, rûçikê xwe yê hesretê reş bikin jî,
Biçerçirin, min beş bikin, her bikine dengî,
Min xezîn tomar kir, bila nizanibin jî... Li şûna tîtikên cîhanê ku hat û bat e,
Çi ku, min bedewiya berbêd peyda kir bo te.