Sorgul

Sorgul-İbrahim Sunkur

Berhema sêyem jî kitêba helbestan ya bi navê Sorgul e ku ji helbestên İbrahim Sunkur pêk tê. İbrahim Sunkur ji bajarê Miksê, hemşehriyê Feqiyê Teyran e. Helbestên wî jî mîna yên Feqiyê Teyran rewan û herikbar ango lîrik in. Helbestên İbrahim Sunkur bi wezna erûzê hatine nivîsandin û ji vê hêlê ve dikare wekî berdewamiya helbesta klasîk a Kurdî were dîtin. Digel vê, helbestên Sunkur ji hêla teşe û ristê ve dinime yên Cegerxwîn. Herwiha helbestên ku di Sorgulê de cih digirin, bi piranî li ser welatparêzî û evîna welat in. Meriv dikare bêje ku Sorgul ji kaniya neteweperweriyê hatiye avdan û li ser şaxên Kurdewariyê bişkiviye. Helbestvan İbrahim Sunkur bi xwe jî di nav siyaseta aktîf de cih girtiye û gelek salan ji bo doza Kurdayetiyê di girtîgehê de maye. Dema ku li helbestên wî tê nêrîn xezelên helbestvanên klasîk têne bîra yekî. Naveroka helbestên wî jî dikare bê gotin kubi piranî li ser evînê û evîndariya welat in