Stranên Dawetan

Stranên Dawetan-Berîvan Matyar

BI NOTA: Stranên Dawetan û Gelana Dengbêjî Stranên dawetan yên zarbêj, dengbêj û stranbêjan, axleb bi dengî û bê enstruman muzîkê tên gotin. Heger enstruman hebin jî, enstrumanên wek bilûr, mey, def, dahol, zirne û w.d., li gor dever, êl û ola civakê diguherin. Dawet, zêdetir bi rîtma gotinên stranê xurt e; dikare yek bibêje, yek lê difetilîne, yan jî yek bibêje, kom lê difetilîne, yan jî komek bibêje, koma din lê difetilîne. Bi vê rêbazê, di çanda Kurdan ya şahîyan da zarbêj, dengbêj û stranbêj di nav hevkarîyeke siruştî da vê hemahengîyî pêk tînin. Di îcrakirina van stranan da, govendger, guhdar û temaşevan jî di xurtkirin û dewlemendkirina rîtm û gotinên stranê da xwedî roleka giring in. Stranên dawetan yên ji alîyê jinan ve tên gotin, bi giştî stranên zîz, xembar, hestîyar û dilînî ne. Ji ber vê yekê jî, rîtma van stranan bi giştî nerm e, û dîlana wan jî li gor xwiristîya jinê ya fizîkî û derûnî teşe digirin. Ji ber vê yekê, govendên jin û mêran jî ne wekî hevdu ne. Di stranên jinan de, veqetandina ji mala dê û bavê, dûrketin, jêrdestîya civakî, şer û cengan, karesatên neteweyî, xwedîkirina zarokan û w.d. mijarên giring in. Ji ber vê yekê, stranên jinan xwedî bîrdankeka resen û dewlemend in. Herweha, ew bi rêya zewacê veguhêzerê çanda devkî ya devokî ne, ku ji war û welatekî ber bi warekî din, wan stran bi devoka resenî bi xwe ra gerandine.   Ji bo hemû berhemên Weqfa Mezopotamyaye vir bitikînin Ji bo hemû berhemên Berîvan Matyar vir bitikînin