Tarîkoj

Her ku ser, pevçûn û alozî pir dibin hinek wateyên jiyanê di tarîtiyê de dimirin. Divê kesên tarîkoj wateyên ku sedema jiyanê ne bidin jiyan kirin. Mirovên tarîkoj ew mirovên ku dixwînin, lêpirsîn dikin û qîma xwe bi tu wateyekê tenê naynin. Mirovên tarîkoj ew mirovên zanebûnê her tim di ser bawerkirinê re digirin. Tarîkoj, berê tarîtiyê lêpirsîn dike, nas dike, pistre dikoje heta ku dikuje. Tarîkojtî kedeke hismendî û hestiyarî ye. Bêkediya hismendî û hestiyarî a jiyanê kûd û pûç dike. Di jiyanê de valahiyên wateyî hene. Hinek netamamkirinên mirovan hene, di wate û heyînên kirdeyî de valahî hene. Pêdivî bi gerîn û gerdîseyeke felsefî heye da ku van valahiyan ferq bikin.