Tirspîvan

Tirspîvan-Hesen İldiz

“Axx berxê min, axx!”
Gava ku ez di temenê te de bûm, min bihostek axa welatê xwe bi hemû memik û ranên jinên dinyayê nedida. Hevoka ewilî min mat hişt. Ew kalikê min, ku navê wî bi wî re girêdayî bû, çawa dikaribû peyvek wisa bibêje? Kalikê ku li ser kêlikê gorra xwe pîrozahiya ganê nivîsandibû, niha jî tiştekî wisa digot. Pintî vê hevokê ji bo xwendinê, meraga min hîn zêdetir bû, û min xwendina xwe domand.

---

“Erê kurê min, me ewqasî ji welatê xwe hez dikir – ez dizanim niha tu pirr behitî yî. Nêzîkî pêncî sal berê bû. Wê demê ez xwendekarê zanîngehê bûm. Zanîngeha min li Stenbolê bû. Stenbola ku niha nîviyê wê di destê me de ye, nîviyê wê jî di destê rûman de ye, ew çax di destê tirko de bû. Em ne wek we yên niha bûn; xwîna me dikeliya. Me zanibû ku ev kela me dê bi azadiya welatê me sar bibe. Loma – xweziya te bidîta – çi ji destê me dihat, me dikir: xwendin, xebatên li ser ziman, xebatên li ser çand û wêjeyê, û çalakiyên cur bi cur ên li dijî dagirkeran.”   Ji bo hemû berhemên Belkî Yayınları vir bitikînin Ji bo hemû berhemên Hesen İldiz vir bitikînin