Û Çîya Jî Dinalin

Û Çîya Jî Dinalin-Omer Dewran

“Û Çiya Jî Dinalin” pirtûka kurteçîrokan a yekem a nivîskar Omer Dewran e. Pirtûkek ku ji yazdeh kurteçîrokên cihêreng û balkêş pêk tê û me dibe atmosfereke Kurdewar û dêrîn ku gîyanê çîrokbêjîya civatên Kurdan zindî dike. Di van çîrokan de, Omer Dewran zimanekî folklorîk û biwêjî yê pir hestyar bi kar tîne. Xwîner rasterast dibe heyranê vegotinê û nikare dev ji xwendinê berde. Di çîroka sereke ya bi navê “Û Çiya Jî Dinalin” de, nivîskar çîrokeke gelêrî ji kakilê Kurdîya rewan û herikbar raberî xwendevanan dike. Çîrok li ser meseleya namûsê disekine, bi awayê vegotina çîrokbêjîya şevbihêran hatiye ristin û di qalibekî xweşkok de hatiye rokirin. Ev yeka han herikbarîyeke bêsînor dide vegotinê, ji ber ku çîrok têrtijî ye bi dirûvpêxistin, wesifdan, biwêj û metelokên Kurmancîyê. Di vê pirtûka xwe ya yekem de, Omer Dewran deqeke cihêwaz bi zimanekî biwêjî û efsûnî pêşkêşî xwînerên Kurdîyê dike. Ew wan li gulzara folklora Kurdî ya dewlemend dibe geşt û seyraneke behiştîn a çîrokbêjîya civakî.   Ji bo hemû berhemên  Lîs Yayınevi vir bitikînin Ji bo hemû berhemên Omer Dewran vir bitikînin