Were quling

Were quling-Kubara Repo&Tamara Repo

Her du xwişkên Tamara Refo û Kubara, bîranên xwe yên zarokatî û gundewarî, ciwanî û dayiktî, lêkolînerî û pisporiyê vegotine. Her weha wan du kurteçîrokên afirandî jî pêşkêşî wêjeya kurdî kirine ku her yek şahideke dewr û demê ye. Wekî ku tê zanîn, wesfên jinan (dayikan) pir caran ji yên mêran (bavan) xurtir in؛ çimkî xeyala zimanî ya zarokan bi destên wan tê avakirin û hûrgiliyên jiyanê di heyama sexbêriya wan de têne çikandin. Paşê zarok mezin dibe, bi jiyanê re têkilî datîne û di nava her qada jiyanê de beşek ji vê bingeha zimanî bi kar tîne. Bi vî awayî, Tamara û Kubara bi zimanekî herikbar û xweş çend dîmenên jiyana xwe beramberî xwendevanê dikin. Di nava van bîranînan de hêza vegotinê, hûrgiliyên wesfandinê, numûneyên gencîneya gelêrî û şîrovekirineke analîtîk bi eşkereyî têne dîtin. Duwanzde bîranînên her du xwişkan, bi rastî, belgeyên dîrokî ne ku beşek ji heyama tarî ya kurdên Sovyêtê radixin ber çavan. Her weha, du kurteçîrokên afirandî jî ji çarçoveya vê heyamê dernakevin, lê ev heyam bi dema niha ya kurdan ve girêdidin û bi vî awayî têkiliyek dîrokî û edebî di navbera borî û îro de çêdikin.   Ji bo hemû berhemên Peywend Yayınları vir bitikînin