Ziman û Netewesazî: Lêhûrbûnek li ser Kovara Hawarê

Ziman û Netewesazî: Lêhûrbûnek li ser Kovara Hawarê-Ronayî Onen

Ronayî Onen, di vê xebata xwe de, di zemîneke teorîk a aloz de rêça pêvajoya netewesaziyê digerîne. Mijarên bingehîn ên pirtûkê kovara Hawarê û rewşenbîrên kurd in ku li dor vê kovarê hatine gel hev û ji bo netewesaziyeke bingeh-zimanî têkoşiyane. Her çend têgîna netewesaziyê ya Ronayî Onen nîşan bide ku di têgihîştina neteweperweriyê de tercîheke dozîneyî bi nêzîkayiyên sazkar re heye, lê dema ku mirov pirtûkê dixwîne, diyar dibe ku wateya ku wê bixwe li têgîna sazkirinê bar kiriye, ji wateya ku ev têgîn di nav nîqaşên neteweperweriyê yên li Tirkiyeyê de cih girtiye cuda ye. Ew bi eşkere pêvajoya netewesaziyê di peywendiyeke kolonyal de bi cih dike û têkoşîna netewesaziya bindestan wekî têkoşîneke dij-kolonyal dinirxîne. Ronayî Onen, ji rojnameyên Kurdistanê û Kürd Teavün ve Terakki Gazetesi, heta kovarên Roj-î Kurd, Hetaw-î Kurd û Jîn, û bi taybetî heta kovara Hawarê ku bingeha sereke ya vê xebatê ye, di bergekeke nîv-sedsalî de li ser rûpelên van weşanan xebateke arkeolojîk a bihîzyar meşandiye. Wê bi vî awayî nîşan daye ku awayên têkoşînê yên netewesaziyê yên ku navend-zimanî ne, çawa bi awayên din ên têkoşînê re hatine honandin û di nava şert û şertên siyasî û kolonyal de çawa şêweyên cuda girtine.   Ji bo hemû berhemên Peywend Yayınları vir bitikînin Ji bo hemû berhemên Ronayî Onen vir bitikînin