Dîwana Rûhî

Di Kurmancî de Şêx Evdirehmanê Axtepi, Ehmedê Xaniyê duyemîn e; Axtepî ruh e, "Rûhî" ye, di wêjeya Kurdî de wî bi ekola xwe hewl daye ku dîsa "ruhê Xanî" vejîne. Axtepî û ekola Axtepê, tevgereke "Neo-Xanî" (Nû-Xanî) ye. Axtepî, ne bi tenê bi armanc û peyama xwe ya wêjeyî dişibe Xanî, herwiha ew bi form û şêwaza xwe ya wêjeyî jî peyrewekî Xanî yê dilsoj e. Ji ber peyam û şêwaza xwe Axtepî Xaniyê duyemîn e. Axtepî bi baweriyeke mezin li “îdeolojî” ya Xanî ya neteweperwer xwedî derdikeve û vê bîrdoziyê tûjtir û bilindtir dike.