Mehmed Mîhrî Hîlav u Kovara Kurdistan

Mehmed Mîhrî Hîlav u Kovara Kurdistan-Seîd Veroj

Destpêka çaryekê serdema 20an, ji alîyê dîroka modern a sîyasî û netewetîya milletê kurd ve, dewreyek pir girîng û destpêka statuyek nû ye. Di vê demê de xebatên çapemenî, rojnamegerî û rêxistinî yên milletê kurd bi awayekî berfireh geş dibin. Di vê dewreyê de rojname û kovarên girîng wekî Kurdistan, Rojnameya Hevkarî û Pêşkevtina Kurdan, Şerq û Kurdistan, Rojî Kurd, Hetavî Kurd, Serbestî, Jîn û kovara Kurdistan hatine belavkirin. Kurdistana Mîdhed Mîqdad Bedirxan û rojnameya Şerq û Kurdistan ne tê de; yên mayî bi giranî ji aliyê komele û rêxistinên wê demê ve hatine çapkirin. Di nav rûpelên van weşanan de, rewşa perwerdeyî, kulturî, dîrokî, civakî û sîyasî ya wê demê bi gelemperî têne gengeşekirin û gelek nivîs û nirixandinên balkêş hatine belavkirin. Dema ku em naveroka wan bi bal dînin, em dibînin ku babet û meseleên ku berî sed salan hatine gengeşekirin, îro jî bi germayî di rojeva me de berdewam in. Lêbelê, xebatên akademîk û lêkolînên berfireh li ser van weşanên navborî û her weha rewşa civakî û sîyasî ya wê demê gelek kêm in. Bêyî ronîkirin û têgehîştina wê dewreyê, rast xwendina îro û pêşdîtinên li ser dahatûyê dê têkûz û kêm bimînin. Ger em van weşanên navborî wekî zincîreke xebatên rewşenbîrî yên wê demê qebûl bikin, xebata li ber destê we wê demê ronahîyek girîng li ser heleqeyek ji vê zincîrê dide.     Ji bo hemû berhemên Weqfa Îsmaîl Beşîkçî Yayınları vir bitikînin Ji bo hemû berhemên Seîd Veroj vir bitikînin