Memê û Zînê

Memê û Zînê-Emînê Evdal

Folklor û mîtoloji, rehên ziman û miletan in. Bi qasî ku destan, efsane û çîrok geş dibin, ew milet jî dikevin ser rûyê dinyayê. Destana Memê Alan yek ji wan berhemên kevn e ku rehên wê hezar sal in û di hafizeya kolektîf a Kurdan de cihê xwe parastiye. Wekî ku di Şahnameya Kurdî de Rustemê Zal bi çendîn cûreyan hatiye gotin, Destana Memê Alan jî bi gelek şiklan hatiye vegotin û di dengbêjkî de bi stran jî hatiye xwendin. Di zargotina Kurdî de, bi taybetî bi xebatên Ordîxanê Celîl, Celîlê Celîl û Qanatê Kurdo, ev destan qeyd û zebt bûye. Herwisa Roger Lescot jî, ev destan ji çend dengbêjan derbasî nivîsê kiriye. Ehmedê Xanî, bi cîhanbîniya xwe ya ronî, destana Memê Alan kir berhema Mem û Zîn, û bi vê awayî ew ava kir û ebedî kir. Ev mesnewî, destanê ji çîroka folklorî derxist û kir şahesereke edebiyata Kurdî. Emînê Evdal, Mem û Zîn bi navê “Poêma Cimaeta Kurd” bi cî kir. Ew bi lêkolîn, nivîs û bihîstinên xwe, ev berhem bi qayde û isûlên nezmê rûniştand. Emînê Evdal, wekî etnograf, pedagog, zana û helbestkar, li gel Heciyê Cindî, berhema mezin a Folklora Kurmanca ji zargotina Kurdî rakir û ser piyan anî. Lewma jî ev poêm û berhema nemir, ji aliyê Emînê Evdal ve bi rêzeke rihet û kamil hate amadekirin û piştî salên dirêj xwe gihand zimanê me yê kevn û xweser. Rizgar Elegez   Ji bo hemû berhemên Nûbihar Yayınları vir bitikînin Ji bo hemû berhemên Emînê Evdal vir bitikînin