Mewlîd-Mela Ehmedê Xasî

Xasî geyrenî ziwanî xo yo ke yew çerçeweya teng û sîyasî de mendbi rê reyeyêk vejo. Seydayê Xasî mektebê (ekolê) Ehmedê Xanî ra yo. No ekolî kulturê kurdan rê yew îfade û rûhêko newe ardo meydan. Seyda binê tesîrê Xanî de mendo û vera “çar koşe” yanê ey, Seydayî zî “beşlik” nuştî. Ma Seydayî ra musenî ke, çîye tarixî, manevî, hîsî, sanawî ke yew milet tarix ra arêkerdî, ardî pêser sey senbolan, îşaretan, urf û edetan esayê û âmeyî vatiş, kultur o yo. No zî dej û karakterê kurdan, xususîyetanê cematî û ekonomîyê înan mojneno. Zafîyê xebatê Seyda Xasî vîndîbîyayeyî ya. Têna, mewlîdê ey o zazakî û tikeyî şîîrê ey heta ewro resay ma. Şîîranê ey de temayê dînî û Kurdistanî bingeh a. Seydayê Xasî û Seîdê Kurdî merdimî yew zemanî yê. Serekanê kurdanê o wextî reyeyê xelas wina motu ra: “Hîsê cematkî yê ke potansîyelê kurdan de estbî, ayakerdiş. Hîsê hurîyetî, secîyeyê fedakarî, fikrê milîyet, sînayişê Kurdistanî û biratîye însanan…